Bizkaiko Ikasleon Jaialdia apirilaren 18an

Lan handiko bi hilabete (otsaila eta martxoa) izan dituzte Bizkaiko ikasleek: mobilizazioak, asanbladak, Herri Unibertsitate eta Herri Eskolak… Horregatik, oporraldiaren bueltan ikasleak jai giroan bildu nahi ditu Bizkaiko Ikasle Abertzaleak larunbat honetarako, apirilak 18, Errekaldeko Etxarri Gaztetxean antolatu duen Bizkaiko Ikasle Jaialdia-rekin

Jaialdiari eguerdian emango zaio hasiera 5€-tan egongo den Bertso Bazkariarekin. Arratsaldean, berriz, Eguenero Elektrotxaranga ibiliko da festa girotzen eta iluntzen hasi baino lehen Ekitaldi Nagusia egingo da. Hala ere, jaia ez da bertan bukatuko 20:00etatik aurrera ikasleak dantzan jarriko dituzten kontzertuak hasiko direlako: SUAIA eta LAHAINE, DJ Kanaky eta Bad Sound System besteak beste.

Egitarau bikaina parranda bota eta ikasleen artean harremanak estutzeko. Azterketen aurretik asteburuaz disfrutatzeko plan hoberik ote?

Bizkaiko Ikasle Jaialdia